FAQs Babysitter

No der Verifizéierung an Aktivéierung vum Profil vun engem vun de lokale Partner gëtt de Profil vum Babysitter op der Plattform Babysitting.lu aktiv. Dëse Prozess garantéiert datt all Profiller de Sécherheets- a Qualitéitsnormen entspriechen. Wann däi Profil aktiv ass, kanns du déng Babysittingservicer ubidden an dech fir Babysitting-Annoncen mellen.

Profiller op Babysitting.lu bleiwen aktiv soulaang se den Norme vun der Plattform entspriechen an de Benotzer weider de Service an Usproch hëlt. De Profil gëtt desaktivéiert wann de Babysitter säin 29. Liewensjoer erreecht huet oder no 365 Deeg Inaktivitéit.

Als Babysitter kanns du däi Profilstatus op "aktiv" oder "inaktiv" setze fir déng Disponibilitéit ze weisen. Wanns du kee Profil méi wëlls um Site hunn, kanns du däi Profil an déngen Astellunge läschen.

Profilfotoe musse bestëmmte Reegele befollege fir op Babysitting.lu guttgeheescht ze ginn. Si musse kloer, rezent, passend an däerfen net freizügeg sinn. D'Foto muss eleng gemaach ginn, a Portraitsfoto, a keng aner Persoun däerf drop virkommen. All Fotoen déi dëse Critèren net entspriechen, ginn ofgeleent.

Als Babysitter kanns du nëmmen op Messagë vun Eltere reagéieren nodeems d‘Elteren dech fir d'éischt iwwer d'Chatfunktioun vun der Plattform kontaktéiert hunn. Wann een Elterendeel Interessi un déngem Profil huet, kanns du op hire Message äntweren fir Detailer an déng Disponibilitéiten ze beschwätzen. Als Babysitter kanns du dech fir eng Babysitting-Sessioun mellen, déi vun den Eltere publizéiert ginn ass, an da gëss du vun hinne kontaktéiert.
Dës Politik hëlleft eng positiv a respektvoll Erfarung fir all Benotzer vun der Plattform ze garantéieren.

Du kanns Babysitting-Annoncë consultéieren, déi vun Elteren op der Plattform publizéiert gi sinn. Stell sécher, all d'Detailer wéi Datum, Zäit a Standuert vun der Session ze iwwerpréiwen, fir sécherzestellen datt et mat dengen Disponibilitéiten a Virléiften iwwerteneestëmmt. Bei Interessi un der Session kanns du dech mellen a wäerts vun den Eltere kontaktéiert ginn.

Wann d'Elteren an d'Babysitter fir d'éischte Kéier op Babysitting.lu kommunizéieren, ass et recommandéiert ee Kenneléiergespréich ze organiséiere fir ee Vertrauensverhältnes opzebauen an eng besser Kompatibilitéit ze garantéieren. D'Eltere kënnen hir Kanner hir Bedierfnesser, Routinne a spezifesch Ufuerderunge beschwätzen, wärend Babysitter sech selwer virstellen an iwwer hir Erfarung schwätzen. Dëst Gespréich erlaabt dir, kloer Erwaardungen ze definéieren an d'Fundamenter vun enger positiver Bezéiung opzebauen. Babysitting.lu recommandéiert, déi wichteg Detailer vun dësem Gespréich ze dokumentéieren. Eng "Checklëscht" kann an der Rubrik „Ressourcen an Dokumenter“ erofgeluede ginn.

Jo, Babysitting.lu stellt detailléiert Handbicher, Checklëschten a pädagogesch Dokumenter zur Verfügung fir d’Babysitter doran ze ënnerstëtzen, hir Missioun erfollegräich z'erfëllen. Dës Ressourcë sinn ëmmer op der Plattform zougänglech fir sécher an effektiv Babysittingpraktiken ze ënnerstëtzen.

All Babysitter, déi um Site ugemellt sinn, hunn eng spezialiséiert Ausbildung vun op d'mannst aacht Stonne mat enger vun de Partnerorganisatiounen ofgeschloss. Dës Formatioun beinhalt d'allgemeng Bedéngunge vum Babysitting, essenziell Kommunikatiounsfäegkeeten, Kannerkrankheeten, Kannerentwécklung an Aktivitéite fir Kanner (detailléiert Informatioune kriss du, andeems du op d'Charta Babysitting.lu klicks). Entdeck déi nächst Formatiounen

D'Plattform geréiert keng Babysitter-Bezuelungen. Elteren a Babysitter verhandelen d’Formalitéiten zu den Tariffer an de Bezuelbedingungen wärend dem Kenneléiergespréich. Babysitting.lu recommandéiert als Richtlinn zu der Bezuelung d‘Normtariffer fir Studenten, déi vun der “Inspection du Travail et des Mines” (ITM) festgeluecht ginn.

Babysitting.lu déngt als Plattform fir den Austausch tëscht Elteren a Babysitteren an ass net méi verantwortlech fir dat wat ausserhalb vun der Plattform ausgemaach oder ënnerholl gëtt (Kenneléiergespréich, Babysitting, asw.).
Am Fall vu Schued ass Babysitting.lu net verantwortlech an d'Entschiedegung ënnerläit der Assurance vun den Elteren oder dem Babysitter.

D'Charta vu Babysitting.lu beschreift d'Richtlinnen a Prinzippie vun der Plattform. D‘Charta kläert d'Rechter a Pflichte vun Elteren a Babysitteren, Charta garantéiert e fairen Ëmgang an héich Qualitéitsnormen. Detailléiert Konditioune fir d'Schafung an d'Validatioun vu Profiller, d'Verantwortung vun de lokale Partner an d'Qualitéitskontrollmoossnamen si kloer definéiert, fir e vertrauenswürdege Service z'erhalen. D'Charta definéiert och de Management vu Reklamatiounen, d’Feedback-Mechanismen a garantéiert doduerch eng kontinuéierlech Verbesserung vun der Plattform.

Als registréierte Benotzer kanns du d'Fonctioun "Alarmknäppchen" am Fall vun Zweifel oder Violatioun benotzen. Dës Fonktioun ass nëmme sichtbar no der Umeldung a gouf agefouert fir Elteren a Babysitteren z'erméiglechen sou séier wéi méiglech Ënnerstëtzung an Hëllef ze kréien.

D'lokal Partner vun Babysitting.lu (Gemengen, lokal Servicer fir Kanner, Jugendlecher a Familljen an Lycéen) schaffen mat der Plattform fir d'Benotzerprofiler ze validéieren an ze garantéieren datt se de Sécherheets- a Qualitéitsnormen entspriechen. Si kënnen Babysitting-Formatiounen ubidden, hëllefen déi allgemeng Qualitéit vum Service z'erhalen an ënnerstëtzen den Onboarding vun neie Benotzer.
D'Partner spillen an Zesummenaarbecht mat der Koordinatioun vu Babysitting.lu eng entscheedend Roll fir d'Gemeinschaft z'ënnerstëtzen andeems se Ressourcen an ee lokale Service ubidden. Si kënne Formatioune fir Babysitter organiséieren an dofir suergen, datt all Participanten déi néideg Qualifikatiounen a Standarden erfëllen, déi vu Babysitting.lu festgeluecht goufen. Fann all eis Partner hei E Service vun Elisabeth Jeunesse
Elisabeth Jeunesse, e mam Ministère de l’Educatioun Nationale, de l’Enfance et de la Jeunesse conventionnéierten Service, bitt vill Aktivitéiten, wéi Jugendhaiser, Stagen, Vakanzekolonien, Projeten, asw. fir Jonker vun 12 bis 29 Joer.
Elisabeth Jeunesse koordinéiert Babysitting.lu a bitt duerch qualifizéiert Mataarbechter eng nohalteg Entwécklung a Qualitéit vum Service. Weider Informatioune fënns du um Internetsite elisabethjeunesse.lu